DANIEL PANE

SELAMAT DATANG DAN MENIKMATI YANG TELAH DISAJIKAN

Jumat, 24 Desember 2010

acara natal


TATA IBADAH PESTA PARNINGOTAN NATAL PARJOLO
HKI PARDOMUAN MARIHAT
25 DESEMBER 2010


1.      Tabe dohot Joujou – votum
(Prosesi, jala jongjong ma sude parhalado di altar pasahathon hata selamat Ari natal tu sude ruas ni huria)
Paragenda        :    sadari on, ima puncak ni sude las ni rohanta mamestahon ari hatutubu ni Tuhanta Jesus Kristus. Marpungu do sude angka na porsea manghamauliatehon balga ni asi ni roha ni Debata manongos AnakNa na sasada I gabe haluaon ni sandok manisia. Antong hami sian parhalado ni hurianata, hupasahat hami  hata selamat ari natalnami:
Parhalado        :    Selamat Ari Natal ma dihamu saluhutna! Didongani asi ni roha ni Tuhan Jesus Kristus, dohot holong ni roha ni Debata, Amanta dohot parsaoran ni Tondi Porbadia ma hamu saluhutna, ari on ro di salelengna!
Huria               :    Selamat ari Natal ma nang di hamu angka amanami dohot inanami Parhalado ni huria on. Asi ni roha ni Tuhanta Jesus Kristus dohot holong ni roha ni Debata Amanta, dohot parsaoran ni Tondi Parbadia I ma nang mandongani hamu saluhutna.
Paragenda        :    Manghalashon Ari na uli on, rap ma hita manghendehon Hasangapon ma di Debata na di Ginjang.
Sude                :    (mangendehon BE. 57)                                            BL. 202
                            Reff: Hasangapon di Debata, dame,dame ma di jolma/ Las ni roha ni Debata Hajolmaon muse.
Parhalado        :    Alani I, pesta sadari on disaphon Marhitehite Goar ni Debata Ama, dohot Goar ni AnakNa, Tuhan Jesus Kristus doht Goar ni Tondi Parbadia, dipasaorma DameNa tu hita saluhutNa, Amen.
Sude                :    (mangendehon BE. 205: 2)
                            Ale Jesus Tuhannami, bereng hami na dison!/ pinarmahanMi do hami, saluhutna na dison/ sai asi rohaM di hami, sai pangolu hami on.                     (hundul, parhalado mulak tu ingananna be).

2.    Marende BE. 57: 1-3


3.    Manjaha Ayat + Tangiang
P   :    Nunga tubu di hita sada posoposo, dilehon tu hita sada Anak, pampe tu abaraNa do sogot harajaon, jala bahenonna:
J   :    Sipartahi halongangan, ulubalang ni Debata Ama, saleleng ni lelengna, Raja ni hadameon.
P   :    Martangiang ma hita: Ale TUHAN, Amanami di Banua Ginjang! Mandok mauliate do hami tu Ho, ala ni godang ni asi ni rohaM di hami; ai dibasabasahon Ho do AnakMu na sasada I tu hami na di pardangolan on, asa malua hami marhitehite Ibana sian dosa dohot hamatean saleleng ni lelengna. Hupangido hami tu Ho, sai sondangi ma rohanami na holom I marhitehite Tondi Parbadia; angkup ni I, sai parrohai ma hami, asa huboto hami mandok mauliate tu Ho, asa tarapul situtu rohanami di hagogotan dohot pangunjungan marhite AnakMu, Tuhan Jesus Kristus, Tuhannami. Amen.
J   :    (mangendehon) Haleluya! Haleluya! Haleluya!

4.    Manjaha Singkat ni Patik : Kolose 1: 12 – 14
5.    Marende BE. 47: 2+4                                BL. 103
6.    Manopoti dosa
P   :    Ale TUHAN, Amanami na di Banua Ginjang! Diparhatopot rohanami do balga ni holong dohot asi ni rohaM di hami. Dilehon Ho do AnakMu Tuhan Jesus Kristus tu portibi on, tubu dibagasan haleaon, manaon na porsuk pola ingkon mate tarsilang asa gabe haluaon di hami. Dia ma naung hubaen hami tu Ho balos ni i? jotjot do mabalgahu uari manang janjinami tu Ho, hape dang tulus I huulahon hami. Molo jumpang ari Natal si songon on, sai marjanji do hami marhite ende
J   :    (mangendehon BE. 53: 2) ½ suara        BL. 51
          Tu holong ni rohaNa Hubonom rohangkon/ Hulehon di Ibana Sude na di au on Olo, olo, sude na di au on
P   :    hape dia ma naung hulehon hami huroha tu Ho ale TUHAN? So ndada gabe tardapot di hami angka pargabus di joloM? Jala jotjot do diendehon hami,
J   :    (mangendehon BE. 53: 3) ½ suara        BL. 51
          Sai naeng haholonganku Ho, ale Tuhanki nang marsak las rohangku/ Ingkon lam ganda i. Olo,olo,ingkon lam ganda i
P   :    hape sabalikna do huulahon hami: ndang huhaholongi Ho, sian nasa roha, ateate, pingkiran, dohot sian nasa gogonami; suang songon I dang huhangolongi hami dongannami doshon dirinami, suang songon I musunami. Holan masa pangunjungan, sitaonon, arsak, parungkilon dohot angka na asing, pintor mandele hami laos manundalhon Ho, mandao sian partangiangan dohot parmingguon. Alani I ale Jahowa:
J   :    (mangendehon ½ suara BE. 171: 2)
          Asi ma rohaM, taringot tu pangalahongku/ olo tutu, jotjot do na lilu dalanku/ sesa dosangku sude, Debata!
P+H:  (Mangendehon ½ suara BE. 171: 3)
          Sai tatap ma au! Tambai ma haporseaonku/ togu ma au! Tu surgo papintor langkangku/ ala anakMu ma I, Debata
P   :    Tabege ma bagabaga ni Djahowa Debata, taringot hasesaan ni dosa. Martua ma manang ise naung sinesaan pangalaosionna, naung hinungkupan dosana. Martua ma jolma, ia so dijujur Jahowa tu ibana hajahaton. Hasangapon ma di Debata na di ginjang! Amen.

7.    Marende BE. 52: 1-2                     BL. 55
8.    Manjaha Epistel                 : 1 Johanes 2: 28 – 3: 1-3
9.    Manghatindanghon Haporseaon
10.  Marende 49: 1…….Pel.                BL. 47
11.  Jamita       : Lukas 2: 1-7
12.  Marende BE 52: 1 – 2                  BL. 55
13.  Pandidion Na badia
Ende tu Pandidion
a.      BE. 146: 1-2
b.      BE. 145: 1
14.  Panghatindanghon Haporseaon
Ende tu Panghatindanghon Haporseaon
a.      BE. 148: 1+3
b.      BE. 56: 1…… (huhut papungu Pelean)    BL. 139
15.  Tangiang Panutup:
Pdt  :  Rap jongjong ma hita martangiang pasahathon peleanta tu Debata. Ale TUHAN  Debata, Amanami na di banua ginjang! Ho do haroroan ni pasupasu dohot silehonlehon ro diangka denggan basa na mauliutus. Mauliate ma husombahon hami tu Ho, asa dipasupasu Ho do ngolunami.
     J   :  Hupasahat hami ma tu Ho dirinami nang sian na nilehonMi tu hami.
Pdt  :  Sai jalo ma I gabe pelean na hushus di adopanMu. Asi ma rohaM, sai pasupasu ma pelean na hupasahat hami tu Ho, asa huparhaseang hami I laho patimbulhon harajaonMu di tongatonga ni huriaM dohot di portibi on.
  J   : Buhai ma rohanami marhitehite TondiM na badia I, asa lam patar huida jala huboto hami godang ni selehonlehonMu di hami.
Pdt  :  Sai ajari ma hami, asa lam girgir hami mandok mauliate tu Ho, huhut pasahathon peleannami dalan laho pasangaphon Ho, marhitehite Jesus Kristus Tuhannami. Amen.
J      :  Nasa na nilehonMi, tondi ro di pamatangku. Hosa dohot gogongki, ro di saluhut artangku. Hupasahat i tu Ho, na so unsathonku do.
Pdt  : Ale TUHAN, Debata Amanami, Debata na tongtong, na so marmula, na so marpansohotan. Pujipujian dohot hasangapon ma husombahon hami tu Ho ro di salelenglelengna, ala ndang marpansohotan asi ni rohaM di hami.
J      : ndang dijujur Ho nasa pangalaosionnami di hataM dohot angka pambahenannami na hurang hi maradophonHo. Dipabinsar Ho do Panondang di hami, ima Tuhan Jesus Kristus, na gok asi roha dohot hasintongan, asa Ibana manondangi dohot patiurhon rohanami.
Pdt  : dibahen I, na mangido ma hami tu Ho, sai sungguli ma HuriaM sadari on, asa diingot habalgaonMu dohot haroro ni AnakMu naung gabe jolma lahot pangoluhon hami pardosa.
J      : sai urupi jala pargogoi ma angka parhalado ni HuriaM, ima Pandita, Guru, Evangelis, Sintua, nang Parjamita boruboru laho mamaritahon Barita na Uli I tu saluhut jolma, asa diida saluhut halak habalgaonMu dohot hasangaponMu.
Pdt  : Sai lehon ma pintu na ungkap tu halak sipelebegu dohot tu halak na so masuk dope tu HuriaM, asa dohot nasida ro mangoloi dohot pasangaphon AnakMu, Tuhan Jesus Kristus, Tuhannami, Amen.
J      : (Mangendehon 149: 3)
         Manang aha pe na masa, las ni roha arsak pe/ tiopanku Ho na basa, na marholong roha pe/ tung saleleng au mangolu, nang dung suda bohalhon/ ingkon Ho. O sipangolu, pujionku sai tongtong.
Pdt  : Rap ma hita mandok tangiang Ale Amanami
Pdt+H            :ale Amanami……d.u.
H    : (mangendehon BE. 36: 1)
         Pasupasu hami, o Debatanami/ sai sondangkon bohiMi, tu na pungu on sude.
Pdt  : Jalo hamu ma pasupasu sian Djahowa Debata : Dipasupasu jala diramoti TUHAN Debata ma hamu. Disondangkon TUHAN Debata ma bohiNa tu hamu jala sai asi ma rohaNa mida hamu. Didompakhon TUHAN Debata ma bohiNa tu hamu jala dipasaor ma dameNa tu tondimuna be. Amen.
H    : (mangendehon) amen, amen, amen.



Tidak ada komentar:

Poskan Komentar