kebaktian pamasukhon saringsaring

PARTANGIANGAN

PANANGKOKKON SARINGSARING TU TAMBAK NAPIR

Di Keluarga Gustaf Sibarani, Tanah Jawa, 18 Desember 2010

 

ACARA DI TAMBAK NA PIR

1.      Votum

P     : Marhitehite Goar ni Debata Ama, dohot Goar ni AnakNa, Tuhan Jesus Kristus dohot Goar ni Tondi Parbadia na manompa langit dohot tano on, dipasaor ma dameNa tu tondinta. Amen.

J      : Ale Jesus Tuhannami, bereng hami na dison. PinarmahanMi do hami saluhutna na dison, sai asi rohaM di hami, sai pangolu hami on. Amen.

2.      Marende 361:1-2

Na denggan situtu do mamuji Debata

Jahowa na tumimbo Na sai tongtong basa

Denggan do paboahon Manogot asiMi

Bodari mangendehon BurjuM nang sintongMi

      Mardongan sipiltihon Na denggan situtu

      Naeng ma tongtong pujion Ni nasa na burju

      Ho Tuhan Debatangku Ai las ni rohangki

      Do na tongtong binaenMu Di pambahenanMi.

3.      Manjaha Ayat

P     :         Unang ho mabiar, Ai ahu do Parjolo jala parpudi ! Au do siparngolu; naung mate do au na jolo, gabe mangolu antong rodi salelenglelengna; Di Ahu do anak hinsu ni hamatean dohot banua toru.

J      :         Tangihon ma hami ale Jahoba sian asi ni roham.

P     :         Ale Jahowa Tuhan nami na di banua ginjang pujipujianma hu pasahat hami mardongan mauliate tu Ho, ala tontong dilehon Ho hatam na gabe sitangihonon jala siihuthonon nami asa mangolu hami songon naung pinatikhonmu.

J      :         Ale Jahowa Ama nami, pungu do dison keluarga pomparan ni amanami Gustaf Sibarani dohot angka dongan na marholong roha di hami nang dongan huta di bagasan sada ni roha laho pasangaphon Ho ale Jahowa marhite ulaon sadarion.

P     : Jahowa, Debata nami marsangkap do na torop on laho panangkokhon saringsaring na hinaholonganna naung jumolo i.

J      : Marsomba hami tu adopanMu na badia i ale Jahowa, asa ajari, pangkulingi hami, urupi hami asa unang gabe songon sipelebegu hami alai ingkon do gabe patimbulhon jala pasangaphon GoarMu na badia i asa marsangap jala marmulia Ho di tongatonga ni ulaon on.

P+J : Asi ma rohaM, sai pargogoi ma hami marhitehite TondiM, asa margogo hami mangoloi Ho di bagasan haporseaon na mangolu. Marhite Anakmu Jesus Kristus Tuhan Sioloan nami. Amen

4.      Marende BE. 15: 1+3

              Aut na saribu hali ganda saringar ni soarangki

              Naeng nasa gogo bahenonku mamuji Debatantai

              Paboa las ni rohangki hinorhon ni pambaenna i.

                        Hupuji dohot Ho o Jesus Marningot asi ni rohaM

                        Marningot mudarMi na durus Ro di sude dengganbasaM

                        Patupa haluaon i Di au pardosa godang i.

5.      Jamita/ Renungan :

6.      Marende BE. 223: 1-2

              Aut so asi rohaM Aut so godang basaM Tu dia au?

              Alai dibaen basaM Dohot asi rohaM Tu surgo au

                        Mauliate ma Di Ho o Debata Ala basaM

                        Sibahen dalan i Marhite AnakMi Tu banuaM

7.      Tangiang Pangondianon: Sian Hulahula

8.      Acara PAMASUKHON SARING-SARING

9.      Penutup: Ale Amanami + Pasupasu

10.  Marende BE.211: 1-2                  (huhut marsijalangan)

              Tuhan Jesus Siparmahan Au birubiruNa do

              Jesus gok di Ho rohangku Sai ihuthononku Ho

              Sai ihuthononku Ho, Sai ihuthononku Ho

              Jesus gok di Ho rohangku Sai ihuthononku Ho

                         Jumpa masa sorimago Tung pangapul Ho gogo

                        Ia bogasMi huida Sai ihuthononku Ho          

                        Sai ihuthononku Ho, Sai ihuthononku Ho

                        Ia bogasMi huida Sai ihuthononku Ho