BAHAN JAMITA EPISTEL MINGGU OKULI, 12 MARET 2023: JOHANNES 4: 20 - 26

 BAHAN JAMITA EPISTEL
MINGGU  OKULI
Minggu, 12 Maret 2023
JOHANES 4: 20 – 26

MANOMBA DEBATA SIAN NASA ROHA

Pdt. Daniel Bonardo Pane, M.Th.

Patujolo

            Sude do hita tontu hea mangendehon Buku Ende No. 223: 1: “husomba ho Tuhan, tangihon au. sangkapMu ma tongtong pasaut tu au. Lam ganda bahenon i holong ni rohangki. Sai lam gandai, holong tu Ho”. Boha do hita patuduhon parsombaonta tu Debata, unang gabe marisuang parsombaonta tu Ibana ala ndang apala antus pangantusionta taringot parsombaon na songon dia do na dihalomohon ni Debata sian hita. Torop do halak mangantusi molo nunga dipatupa parmingguon, didohoti partangiangan, dipatupa ragam ulaon ni huria, jala dilehon pe saluhut artana dohot gogona tu huria dang pintor boi dohonon naung dihalomohon Debata saluhutna i gabe parsombaonna tu Debata. Anggo pangantusion ni halak Jahudi, parsomobaonnasida do na tutu jala na sintong tu Debata ala diulahonnasida saluhut ruhutruhut ni parugamoon ni Jahudi na masa di nasida. Diantusi nasida do parsombaon na sintong di Debata molo diulahon di bagas joro na adong di Jerusalem, jala halak na marsomba tu Debata na so di Jerusalem ndang na tutu jala ndang dihalomohon Debata. Masa ma haginjangon ni roha partondion (kesombongan rohani) halak Jahudi.

Hombar tusi do turpuk jamita epistel di minggu on. Ima rangkaian panghataion ni Jesus rap dohot parompuan Samaria. Samaria ima huta na disogohon halak Jahudi, jala dipantanghon Jahudi do jonok, pajumpang manang manghatai dohot halak Samaria. Sai diantusi halak Jahudi do anggo halak Samaria ima halak pardosa jala na so jadi parsidohot tu sangkap haluaon na pinatupa ni Jahowa. Marhite parjumpangan dohot panghation ni Jesus rap dohot parompuan Samaria i, diajarhon Jesus do taringot parsombaon na tutu dohot na sintong jala na dihalomohon ni Debata. Asa lam antus hita mangatusi taringot parsombaon i, masuk ma hita tu hatorangan ni turpuk

 

Hatorangan ni turpuk

             Borhat ma Jesus sian luat Judea tu luat Galilea jala ingkon mamolus luat Samaria (Joh. 4: 3 – 4). Dao ni luat Judea tu Galilea hurang lobi 200 km. Adong do nian dalan na asing sian Judea tu Galilea so pola mamolus luat Samaria. Alai anggo turpuk jamita on dibolus Jesus do luat Samaria on. Molo dipaadop parmusuon na masa di halak Jahudi tu halak Samaria tontu gabe sihataan ma na binahen ni Jesus on di angka halak Jahudi, boasa ingkon dibolus ibana huta i? Sahat ma Jesus tu luat Samaria ima di huta Sikar, huta na mardonokhon ladang na nilehon ni si Jakob tu si Josep anakna i (ida. 1 Musa 48: 22 patudos tu Jos. 24: 32).

            Adong ma di huta i sada sumur ni si Jakob (ay. 6) laos disi ma Jesus maradi naung loja sian pardalanan. Hundul ma Ibana di lambung ni sumur i, tar di hos ni ari ma i (tepat di jam 12 siang, di mana kondisi cuaca di wilayah tersebut sangatlah panas). Pajumpang ma Jesus dohot parompuan Samaria na naeng mambuat mual sian sumur i, laos dipangido Jesus ma mual sian parompuan i. Tontu songgot manang sungkunsungkun do roha ni parompuan Samaria i, boasa ma Jesus halak Jahudi mangido mual sian parompuan na sian Samaria, ima apala musu ni halak Jahudi? (ida Joh. 4: 7 – 9). Somal do nian molo halak Samaria marpungu di sumur Jakob i laho mambuat mual di manogot ni ari asa unang mohopan, jala laos di inganan i ma nasida marsaor huhut manghatahatai taringot na ringkot di nasida. Hape anggo parompuan di turpuk on borhat do tu sumur i di hos ni ari, di na so adong dijumpang ibana angka jolma. Tontu adong do na naeng dipabotohon turpuk jamita on taringot ise do parompuan na nidok di turpuk jamita on. Molo dijaha sude na tarsurat di turpuk jamita on (Joh. 4: 1 - 42) tontu idaonta ma anggo parompuan i diantusi do sahalak sipardosa. Parompuan on nunga lima hali mardongansaripe tu lima baoa, jala baoa na di ibana i nuaeng ndang dongannsaripe i dohononna (ay. 17 – 18). Gabe dipapulik jolma di humaliang ma ibana jala ndang adong na mangantoi ibana. Molo borhat do ibana di manogot ni ari mangalap mual di sumur i, gabe sihataan, dipasiding jala gabe dipaila do ibana. Ido umbahen na borhat parompuan i pukul 12 di hos ni ari, jala na pasti dang adong sahalak na jumpang na disi.             Marhite turpuk jamita on, Jesus manghatahatai dohot parompuan pardosa di sumur Jakob. Sai berusaha do parompuan i manghuphupi hadirionna tu Jesus, hape nunga tangkas ditanda Jesus ibana. Laos marhite panandaion ni Jesus di ibana umbahen tangkas ma panandiaonna taringot Jesus marhite pandohanna: “Tuan, panurirang do Ho huida” (ay. 19). Dung ditanda ibana Jesus i, barani ma parompuan i pabotohon holsona ima taringot parsombaon tu Debata dohot taringot mesias, naung dipabagabagahon panurirang di padan na robi.

            Didok ma di ay. 20 taringot parsombaon na somal naung diulahon angka ompunasida, ima di atas dolok Samaria (ida 5 Musa 12: 5 dohot Psalmen 122), hape halak Jahudi mandok ingkon Jerusalem do inganan parsombaon tu Debata. Dolok na nidok ay. 20 ima dolok Gerizim (ida 5 Musa 11: 29; Jos. 8: 33; Panguhum 9).[1] Hata ni parompuan on marharoroan sian perasaan keingintahuannya taringot inganan parsombaon na sintong jala na dihalomohon ni Debata. Mansai ringkot do peranan ni bagas joro (inganan parsombaon) di partingkian Padan na robi dohot Padan na imbaru, ndada holan inganan parpunguan manang parsaoran laho mamuji Debata na disomba jala dipuji bangso i. Bagas joro ima hataridaan parmianan ni Debata di tongatonganasida, hataridaan ni pangaramotion ni Debata. Ido umbahen ditaringoti didia do inganan partangiangan na sintong na marpardomuan taringot didia do hasintongan parmianan ni Debata di Jerusalem do manang di dolok Germizi, ala panurirang do didok rohana Jesus i (ay. 19).

            Dung i didok Jesus ma tu parompuan i di ay. 21 - 24: “porsea ma ho di Ahu inang”. Alus ni Jesus on mangalehon pangantusion na tontu dohot panandaiaon na sintong taringot Jesus. Ndada holan panurirang Ibana songon na di roha ni parompuan i, alai Ibana do tahe dalan, hangoluan jala hasintongan asa tung antus parompuan i mangatusi Jahowa Debata, ndada Debata na dibatasi holan di sada inganan, ndang na dibatasi rupa marhite angka ganaganaan na dibahen ugamo na asing, ndada dibatasi suhatsuhat ni pangantusion manang hasomalan na masa, ndada dibatasi angka aturan na dipamasa angka panggomgom portibi on. Andul sian i do saluhutna jala mangatasi saluhutna do hadirion ni Debata. Singkop situtu do hadirion ni Jahowa ima hamuliaonNa, huasoNa, panggomgomionNa dohot saluhut angka haluan na binahenNa di bagasan Jesus Kristus. i do umbahen didok Jesus: “porsea ma ho di Ahu inang”. Ndada holan gabe sada panurirang haroro ni Jesus tu portibi on, alai marhite Ibana do patar do hadirion ni Debata.

            Na ro ma tingkina, gabe ndang pola be dolok an manang Jerusalem partangiangan tu Ama i (ay. 21). Ama na nidokna dison ima Jahowa (YHWH: Debata Panompa langit dohot tano on, huaso dohot harajaonNa mangatasi saluhut huaso dohot harajaon na adong di hasiangan on; na manggomgom sian hatongtongon sahat tu hatongtongon). “Disomba hamu do na so binotomuna; huboto hami do na husomba hami, ai bangso Jahudi do haroroan i haluaon” (ay. 22).  Sekilas pandang Yesus mengkritik dan menegor sistem peribadahan yang dilakukan oleh orang Samaria. Dipatupa halak Samaria partangiangan di dolok Germizi alai ndang apala tangkas ditanda jala dibotonasida taringot hadirion ni Debata na disomba nasida. Ala holan hasomalan sambing do diulahonnasida parsombaonnasida i. Dipahombar muse tu angka naung masa di halak Samaria naung masa kawin campur tu bangso na so mardebatahon Jahowa.[2] Hata ni Jesus di ay. 22 dipahombar ma tu Jes. 2: 3 ima taringot Sion dohot Jerusalem na gabe hapatean parsombaon ni sude bangso. Marrongoman ma angka bangso ro sian luatnasida nangkok ma tu dolok Sion dohot Jerusalem jala sian i ma didapotnasida pangajarion, uhum dohot hasintongan ni Jahowa Debata, jala i do na dipeop halak Jahudi sahat tu partingkian ni Jesus di turpuk jamita on.

            Di ay. 23 didok: “alai na ro ma tingkina jala nunga ro i nuaeng.” Hata “alai” marlapatan marasing manang maralo tu naung dihatai na salpu (ay. 22). Ro ma tingkina jala nunga ro i nuaeng. Hata i, pabotohon na ro ma tingkina jala nunga ro tingkina dang be dibatasi inganan (dolok Gerizim manang Jerusalem) inganan parmianan ni Jahowa Debata mangaramoti bangsoNa. Halak na martangiang tu Jahowa, Debata ima halak na mian di bagasan Tondi dohot hasintongan ima angka partangiang na tutu tu Jahowa Debata jala songon i dipangido Ama i sian angka sipartangiang. Tondi do anggo Debata (hata Gorik didok: pneuma ho Theos) (patudos tu 1 Musa 1: 2) na marlapatan anggo Jahowa Debata ima Debata na mangolu, na marnida, manangihon jala na patupahon haluan tu sude angka na tinompa. Tondi do Jahowa Debata na so boi dipenjara atau dibatasi holan di sada inganan di sada rupa. Tondi do Jahowa Debata na manggohi saluhut inganan na adong di portibi on, Tondi do Jahowa Debata na manggohi roha dohot pingkiran, Tondi do Jahowa Debata na manggohi saluhut angka na masa. Jala halak sipartangiang ingkon do martangiang di bagasan tondi dohot hasintongan (hata Gorik didok: aletheia). Hasintongan na didokna dison ima hasintongan ni Jahowa Debata, ndada hasintongan ni jolma manang hasintongan na adong di portibi on. Hasintongan ni Debata ima hadirion ni Jahowa, Debata Pargogo na so hatudosan, hataridaan pamarentaon (pemerintahan) ni Jahowa, asi ni roha dohot holong ni roha ni Jahowa.

            Dung didok Jesus di ay. 21 – 24, didok parompuan i mandok Jesus: huboto do, na naeng ro Mesias na margoar Kristus, ia dung ro Ibana, baritahononna do saluhutna i tu hami (ay. 25). Padan taringot haroro ni mesias sahat do tu halak Samaria. Marlapatan ndada holan tu halak Jahudi taringot haroro ni mesias, sahat do tu halak Samaria jala tu sude bangso. Pangantusion halak Israel (Samaria dohot Jahudi) mesias ima sahalak na nimiakhan (diurapi dengan minyak yang khusus, minyak yang khas) gabe sahalak raja, panurirang, manang malim di bagasan ulaon naung ditontuhon tu ibana. Mesias naung dibagabagahon di padan na robi ima sahalak na boi paluahon Israel (Samaria dohot Jahudi) sian panggomgomion ni bangso na manggosagosa parngoluannasida (dalam hal ini adalah kerajaan Romawi) jala sahalak na pinillit ni Jahowa gabe pardengganan parsaoran (padamehon) Samaria dohot Jahudi.

Dung i  didok Jesus ma tu parompuan i: “Ahu do i, na manghatai dohot ho” (ay. 26). Alus ni Jesus di ay. 26 on ima penegasan taringot hadirionNa. Ibana ma Mesias naung dibagabagahon angka panurirang di padan na robi. Hamesiason ni Jesus ndada hombar tu pangantusion ni halak Jahudi manang Samaria. Lobi sian pangantusion ni halak Jahudi dohot Samaria taringot hamesiashon ni Jesus. Jesus i do Mesias. Ibana do dalan i, Ibana do hasintongan i, Ibana do hangoluan. Ndang adong na boi sahat tu Ama i (ima Jahowa) ia so marhite Jesus Kristus (patudos Johannes 14: 6). Jesus do Mesias na paluahon jolma i sian parhatobanon ni dosa dohot soropna ima hamatean salelenglelengna; Jesus do Mesias na padamehon jolma i dohot Debata Ama songon i padamehon jolma dohot donganna jolma; jala Jesus do hagogok ni hadirion dohot sangkap haluaon ni Jahowa Debata.

 

Hahonaan ni Turpuk

            Masuk ma hita tu Minggu Okuli na marlapatan sai tongtong mangaranapi matangku tu Jahowa. Mangaranap do hita mangido asi ni roha dohot holong ni roha tu Jahowa. Marhite turpuk jamita on dipaingot do hita taringot pangaranapionta tu Jahowa songon hataridaan parsombaonta Jahowa. Mangaranap mangido panumpahion ni Jahowa di ngolunta, di na mamolus ragam angka naung dohot na naeng masa di ngolunta ganup. Sai ditumpahi Jahowa ma hita gogo, habisukhon dohot pangantusion na tangkas taringot saluhut pambahenan ni Jahowa di ngolunta. Di minggu okuli on dipaingot do hita tu ende Psalmen 121: 1: “sai mangaranapi do matangku dompak angka dolok: sian dia do ulaning ro pangurupion tu ahu? Laos dialusi di ay. 2: “sian Jahowa Sitompa langit dohot tano on sambing ro pangurupion ianggo tu ahu.

            Marhite turpuk jamita epistol di minggu Okuli on diajarhon do hita ndang tu dolok be hita mangaranap alai tu Jahowa Debatanta do naung patar hadirionna singkop di bagasan Jesus Kristus. mangaranap mangido pangurupion dohot panumpahion di saluhut ingananta be. Mangaranap do hita tu Jahowa Debata mangidohon pandonganion, gogo, bisuk, pangantusion songon i nang angka na denggan sian Jahowa Debatanta, asa didongani, dipargogoi, diparbisuki hita di parngoluanta. Pangaranapionta tu Jahowa ndang na dibatasi di sada tempat, di sada rupa ala dang terbatas anggo Jahowa Debatanta. Hata on ndang na mandok asa ndang ringkot hita borhat tu gareja manang tu parsaoran partangiangan Kristen; ndang na mandok asa padoahon diri sian parsaoran. Alai turpuk jamita on mangajarhon tu hita hadirion ni Jahowa na manggohi saluhut inganan di sude inganan dohot tingki.

            Pangaranapionta tu Jahowa dos do lapatanna i tu parsombaonta tu Jahowa di bagasan Jesus Kristus. Parsombaonta tu Jahowa naeng ma sian nasa roha, unang mardua ni roha, jala unang ganggu. Parsombaonta tu Jahowa Debata ingkon do di bagasan Tondi dohot hasintongan. Margabus do jolma molo didok di bagasan hasintongan do ibana martangiang hape angka gabus, hata manggang dohot hata parbolatbolatan do haruar sian pamanganna; margabus do jolma molo didok martangiang di bagasan hasintongan molo dibaen do angka na so uhum tu angka donganna na gale, jala ndang diharingkothon uhum na sintong; margabus do jolma molo didok martangiang di bagasan hasintongan alai ndang olo ibana marasiniroha tu angka na hurangan. Ala ni i, songon hataridaan parsombaonta na sintong, di bagasan hasintongan ingkon boi do patar manang tarida marhite panghataionta manghantindanghon hasintongan, hatoguan ni uhum, pangurupion, ulaon parasinirohan, jala marsiadu laho patupahon angka na dengan. I do parsombaon na dihalomohon ni Jahowa sian hita. Pos ma rohanta sai diparbisuhi Jahowa ma hita laho patupahon parsombaon na tutu manang na sintong. Amen.

 

---

[1] Sedikit penjelasan mengenai pertikaian tempat ibadah orang Samaria dengan Yahudi. Kelompok Yahudi dipahami yaitu mereka yang tetap memegang teguh Hukum Taurat dan ikut terbuang ke wilayah kerajaan Babel selama masa pembuangan. Orang Yahudi memandang orang samaria sebagai orang pendosa, yang tidak layak menerima keselamatan dari Allah. Orang Yahudi dipahami sebagai bangsa yang layak disebut umat Allah sebab mereka memegang teguh Hukum Taurat dan perayaan hari besar agama mereka. Berbeda dengan orang Samaria, di mana mereka yang tetap tinggal di Samaria dan telah melakukan kawin campur. Mereka tidak lagi merayakan perayaan agama mereka seperti Paskah. Itulah sebabnya sesudah kembalinya orang Israel dari tanah pembuangan mereka dan kembali ke Yerusalem, mereka sangat yakin bahwa merekalah yang mewarisi janji keselamatan yang diwartakan oleh nabi – nabi pembuangan, dan kondisi mereka pun dipulihkan melalui pembangunan kembali bait suci di Yerusalem. Yerusalem yang dipahami sebagai tempat kediaman Allah hanya boleh dipakai oleh orang Yahudi dan ibadah yang benar adalah ketika ibadah itu dilakukan di Yerusalem karena Allah berdiam di sana. Sedangkan bagi orang Samaria, mereka tidak mengakui Yerusalem sebagai tempat ibadah utama, melainkan mendirikan bait suci yang menjadi pusat peribadahan mereka di dekat Gunung Gerizim. Gunung Gerizim mereka anggap sebagai tempat suci pilihan Allah dan di situlah mereka menyelenggarakan ibadah mereka sendiri. Sebagai kitab suci, mereka hanya mengakui Taurat Musa yang disadur sedikit sesuai keyakinan mereka, yang disebut sebagai "Taurat Samaria". Sedangkan kitab – kitab lainnya tidak diakui mereka sebagai kitab suci. Taurat Samaria disusun kurang lebih pada abad II atau I sM dan pada kitab itulah berisi legitimasi betapa pentingnya gunung Gerizim atau Sikhem sebagai tempat ibadah dan mereka pun menolak Yersusalem sebagai tempat peribadahan yang benar.

[2] Catatan: pernikahan pada zaman Perjanjian Lama dan Perjanjian Baru tidak hanya penyatuan dua pribadi (laki – laki dan perempuan), tetapi juga berhubungan dengan agama atau kepercayaan yang masing – masing. Artinya jika seorang dari bangsa A dengan agama A menikah dengan seorang dari bangsa B dengan agama B maka seorang dari bangsa A tersebut harus ikut menyembah dengan apa yang disembah oleh bangsa B, demikianlah sebaliknya. Jika dihubungkan dengan Samaria yang telah melakukan pernikahan campur maka Samaria ikut dalam penyembahan allah yang disembah oleh bangsa asing. Hal ini dikenal dengan istilah sinkritisme. Maka YHWH disandingkan dengan Ba’al atau Asyera atau dewa yang lain (bdk. 2 Raj. 17: 29 – 30). Itulah sebabnya Yesus mengatakan: kamu menyembah kepada yang tidak kamu kenal.

Bahan Jamita Minggu I Dung Epiphanias: Mateus 3: 13 - 17

 BAHAN JAMITA

MINGGU I DUNG EPIPHANIAS

Minggu, 08 Januari 2023

Ev. Mateus 3: 13 – 17; Ep. Psalmen 29: 1 – 11; S. Patik: 2 Petrus 3: 17 – 18

 

PANDIDION NI JESUS DI SUNGE JORDAN

oleh: Pdt. Daniel Bonardo Pane, M.Th.

Patujolo

            Horas!!! Ala suasana taon baru dope sahat tu tingki on, pasahathonnami ma tu hamu amanami dohot inanami nang saluhut ruas ni huria: selamat taon baru ma tu hita saluhutna. Manghirim ma hita di hatuaon, di panumpahion dohot pasupasu na sian Jahowa Debata, Ama na manongtong di bagasan Jesus Kristus, amen. Di minggu tanggal 8 Januari on masuk ma hita di minggu I dung Epiphanias ala di tanggal 06 Januari do Epiphanias i masa. hata epiphanias ingkon do dipajolo dohot hata Theophany asa singkop pangantusionta haroroanna sian hata gorik na mandok Theophany epiphany na marlapatan hataridaan manang hapapataran ni Debata marhite na adong di portibion, isarana molo sian pangantusian padan na robi ima hapapataran manang hataridaan ni Debata marhite surusuranna di bagasan api na marnalanala di ramba (2 Mus. 3: 2); dipapatar Debata do hadirionNa marhite goarNa: “Ahu nuaeng Ahu sogot” (2 Mus. 3: 14) laos didok: “Jahowa”, Debata ni ompumuna .... i do goarHu ro di salelenglelengna” (2 Mus. 3: 15); Dipapatar Jahowa do hadirionNa marhite ombun dohot patikNa na sampulu i (2 Mus. 19: 16 – 20: 17); dipapatar Jahowa do hadirionNa marhite pangungkapon na masa tu si Jesaya (Jes. 6: 1 – 7), pangungkapon na masa tu si Daniel (Dan. 12: 5 – 13) dohot lan angka na asing na masa di pambaritaan padan na robi. Saluhut hapapataran manang hataridaan ni Jahowa ima patuduhon huaso dohot hahomionNa na so hatudosan, jala marhite huaso dohot saluhut hahomionNa ima hangoluan dohot hatuaon ni Israel, na marDebatahon Jahowa.

            Di pambaritaan padan na imbaru on, dipapatar Jahowa Debata do hadirionNa secara unik dan sangat unik martimbanghon hapapataronna di padan na robi. Dipadan na imbaru on dipapatar Jahowa do hadirionNa songon sada hubungan Ama tu ianakhon. Jahowa do Ama jala Jesus Kristus ima Anak. Boha do ha-Anakhon ni Jesus dohot ha-Amaon ni Jahowa songon na dibaritahon si jamita di minggu sadari on? asa dapot alusna, masuk ma hita tu hatorangan ni Turpuk.

 

Hatorangan ni Turpuk

            Ianggo buku ni si Mateus on ima barita na uli na digurithon si Mateus, jala buku ni si Mateus on ma na umganjang sian tolu buku evangelium na asing (Markus, Lukas dohot Johannes). Si Mateus ima sada sian sisean ni Jesus Kristus na dijou gabe siihuthon Ibana. Andorang so gabe sisean ni Jesus ibana (ima si Mateus) mangula do si Mateus gabe sahalak sijalo beo, ima sada karejo na disogohon halak Jahudi ala dipangantusionasida anggo halak si jalo beo ima horong ni harajaon ni Rom, ima harajaon na menjajah luat Palestina (dohot ma disi luhutan ni luat Israel). Disurathon si Mateus pe barita na uli on ima di na laho mambaritahon taringot Jesus Kristus ima sahalak Jahudi, na mangihuthon hasomalan adat Jahudi jala na mangula di tongatonga halak Jahudi. Sian on botoonta disurathon si Mateus pe surathon ditujuhon do tu halak Jahudi na gabe Kristen dohot halak Jahudi na so jadi Kristen dope asa marhite i marbinoto nasida ise do Jesus naung diparsilanghon halak Jahudi dohot angka sibotosurat ni halak Jahudi i. alai ndang mansohot sangkap haluaon na pinatupa ni Jahowa naung patar di bagasan Jesus Kristus, AnakNa. Ima haluaon ndada dilehon holan tu halak Jahudi alai dilehon tu sude bangso (hata Heber. goyim; hata Gorik: ethne).

            Mateus 3 on dibuhai ma taringot pandidion na pinatupa ni si Johanes pandidi. Ianggo si Johannes pandidi ima ianakhon ni malim Sakarias dohot si Elisabet, ima sisolhot ni si Maria (ida Luk. 1: 36). Tung mansai barani do si Johannes marjamita taringot panguhuman ni Jahowa Debata tu halak Jahudi di sunge Jordan, laos marhite jamitana i do dibaritahon barita hamubaon ni roha. Marroan do halak tumangihon jamita ni si Johannes jala deba sian natorop i rade dididi si Johannes. Hal na imbaru do na masa di sunge Jordan marhite jamita ni si Johannes pandidi i ala sunge Jordan di halak Jahudi diantusi do sunge na boi pamalumhon sahit songon na dipatupa si Elisa tu Naaman (ida 2 Raja. 5: 8 – 14). Mansai longang do torop jolma di na umbege jamita i ala na menggugah roha ni halak na mangihon. Dirimpu natorop i do si Johannes pandidi ima Kristus na dipaima bangso i songon naung disuriranghon angka panurirang di padan na robi (ida Luk. 3: 15).

            Uju na marjamita si Johannes, ro ma Jesus manopot Ibana. Ndada si Johannes Sipalua i manang Kristus i. Ibana do siungkap dalan manang sitotas dalan ni Sipalua i, na paradehon dalan tu Jahowa. dijamitahon si Johannes do asa marhamubaon angka jolma i ai nunga jonok Harajaon ni Debata. Molo didok nunga jonok marlapatan nunga naeng ro jala jonok nama haroroNa. Harajaon ni Debata na songon dia do na nidok ni si Johannes dison ima Jesus Kristus. haroroni Jesus Kristus papatarhon Harajaon ni Jahowa Debata. Jesus ima Hata ni Jahowa naung gabe jolma jala saor tu angka jolma. Jesus ma hasisingkop ni hapapatar dohot hataridaan ni Jahowa Debata sian saluhut angka hapapatar dohot hataridaan ni Jahowa na masa di padan na robi. Dia do harajaon i?

            On ma: dipatandahon si Johannes do hadirionna sandiri tu angka na manangihon jamitana. Ndang olo ibana mamangke partingkian i manangko kedudukan ni Jesus na gabe Kristus manang Sipalua nang pe adong kesempatan ibana mandok na ibana do Kristus i. ditanda do dirina sandiri na holan suruan ni Jahowa Debata paradehon inganan, mangungkap dalan tu Sipalua i, ima Jesus Kristus. Boi do idaonta di ay. 14 turpuk jamita on: “ahu do nian patut didionMu, hape Ho ro mandapothon ahu”. Pandidion ni Jesus Kristus ndada dos songon pandidion ni angka na tardidi dibahen si Johannes ima hamubaon ni roha jala na manolsoli dosa. Jala dialusi Jesus do di ay. 15: “songon i ma jolo, ai tama do tapajongjong nasa hatigoran”. Hata “songon i ma jolo” marlapatan angka na masa i, masa ma jolo alai anggo nuaeng jongjong ma hatigoran i (Gorik: dikaiosune di hata Heber didok Sedeq). aha do angka na masa i? ima uhum naung mapeol jala na so tigor be uhum na masa. angka malim na manghobasi di bagas joro i pe nunga mangulahon uhum na so tigor (patudos tu Luk. 15). Ndada hatigoran ni jolma na naeng dipatandahon di turpuk on, alai hatigoran ni Jahowa Debata. Hatigoran i boi do diterjamahkan gabe haluaon na pinatupa ni Jahowa marhite uhumNa dohot holongNa.

            Sunge Jordan ima sunge na mansai toru jala disi do Jesus didihon si Johannes. Pandidion ni Jesus di sunge Jordan ima songon hataridaan na dipatutoru Jesus do hadirionNa di toru ni saluhut asa marhite i dipatimbo Jahowa ma Ibana sian na saluhut asa saluhut ulu ni tot marsomba tu Ibana (pat. Pilipi 2: 8, 11); hataridaan ni pangoloionNa tu sangkap ni Jahowa Debata. Nunga diboto Jesus aha do na ingkon masa diadopanNa, jala rade do Ibana manaon saluhutna nang pe ingkon sahat tu mate di hau pinarsilang ima panguhuman na mansai toru hian manang panguhuman na mansai jorbut uju i. rade do Jesus manjalo i saluhutna ala pangoloionNa tu Jahowa, Ama na marsuru Ibana; marhite na dipatutoru diriNa dohot na jumpang roha pangolionNa tu sangkap haluaon na dipatupa Jahowa Debata di bagasan diriNa (ima Jesus Kristus) mungkap ma langit jala songgop ma Tondi ni Debata marrupahon pidong darapati. Mungkap langit ima martudutudu tu hata pangungkapon (istilah pewahyuan) ima sada na masa na so boi diida angka natorop alai na boi diida halak naung mandapot pangungkapon. Ise do na boi marnida? Ima si Johannes pandidi dohot Jesus i sandiri. Alai na mijur Tondi Parbadia marhite pidong darapati dohot soara na manghuling sian banua ginjang boi do diida jala ditangihon angka jolma na diinganan i.

            Pidong darapati ima hataridaan hadirion ni Jesus na lidang (tulus). Darapati ima sada simbol hadameon jala dipangke do i gabe pelean hadameon. Molo masa parmusuon, dipangke do darapati laho pabotohon tu angka jolma nunga mardame be nasida na marmusu i. molo dipangke do pangantusion i, nunga di ungkap Jahowa be hadameon tu angka jolma. Ndang talup jolma i mardame tu Jahowa Debata marhite dirina sandiri, laos dilehon pe saluhut artana dohot dirina dang boi jolma i padamehon dirina tu Jahowa. alai Jahowa Debata do manungkap dalan hadameon asa denggan muse parsaoran ni Jahowa tu jolma naung sega i ala ni dosa. Parsaoran na dame na di bagasna adong hasintongan dohot hatigoran ni uhum. Ndang masa be parporangan manang parmusuon alai na masa ima dame (hata Gorik didok: irene). Laos adong ma soara na mandok: “on do Anak-Hu, halomoan ni rohang-Hu do Ibana” (ay. 17).

            Marhite soara on dipataridahon do hasadaon ni Jahowa, Debata na gabe Ama dohot Jesus ima na gabe Anak. Hasadaon na nidokna dison ima ha-Debataon ni Jesus Kristus. Ai Debata do Jahowa, Ama ni Jesus Kristus, alani i do Jesus Kristus ima Debata ala Anak ni Debata do Ibana. Dang boi tarsirang ama dohot anak ai sada do nasida. Ndang adong mantan ama manang mantan anak. Ha-Anakhon dohot ha-Amaon na dipatudu dison ima ndada hombar tu pangantusion pardagingon (biologi) alai hombar tu pangantusion na sian Debata do (divine understanding/ divine wisdom). Ndada jolma na melantik Jesus i gabe Anak ni Debata manang na gabe Debata, ndada sian konsili dohot sidang ni angka halak Kristen na mambehen Jesus gabe Anak ni Debata manang gabe Debata, alai Jahowa Debata sandiri do na paboahon, pabotohon (memproklamirkan, announcement) Jesus do AnakNa jala Jahowa do Ama. Jahowa do Nampuna Hata na gabe daging i, jala Saor tu Jahowa do Hata i jala hataridaan ni Jahowa do Jesus Kristus, Debata na gabe jolma. Hubungan ni Ama tu Anak ima:

1.       Ama na mangondihon Anak jala na so jadi tandinghononNa Anak i (pat. Mat. 27: 46)

2.       Anak ima na mangoli hata ni AmaNa, unduk di parsuruon ni AmaNa (pat. Joh. 17)

3.       Hasadaon ni Ama dohot Anak. Molo dipasangap Anak i dos do i na pasangaphon Ama i, molo ditulak do Anak i dos do i na manulak Ama na marsuru Anak i (ida Luk. 10: 16)

 

Hahonaan ni Turpuk

            Adong do 3 poin na ringkot sipahusorhusoranta marhite turpuk jamita on:

1.       Pandidion na masa tu Jesus Kristus ima patandahon haserepon dohot na olo ibana patutoru diri tu angka saluhut. Ala ni i tama situtu do hita angka naung dididi di bagasan Goar ni Debata Ama, Anak-Na Tuhan Jesus Kristus dohot Tondi Parbadia ingkon patutoru diri tu adopan ni Jahowa Debata. Molo tung adong pe di hita sinamot manang pangkat, hamaloon dohot saluhut na adong di dirinta; molo pe olo hita mangalehon deba sian artanta i jala boi hita mambahen angka na denggan di bagasan huria manang di humaliang unang ma mantat ginjang ni roha di siala ni saluhutna. Unang ma gabe olo hita dipardebatahon jolma ala na olo hita mangurupi. Molo lam adong di hita sinamot lam naek pangkat jala lam ganda siadonganmu lam paserep ma rohanta jala lam tapatutoru ma dirinta tu adopan ni Jahowa.

2.       Marhite pandidion ni Jesus Kristus pabotohon haoloon. Boha pe borat ni na naeng siporsanonhon tu Ibana pola sahat tu na mate di hau pinarsilang dioloi do i, jala unduk do Ibana manaon saluhutna i. Hita angka naung dididi di bagasan Goar ni Debata Ama, Anak-Na Tuhan Jesus Kristus dohot Tondi Parbadia, unang be olo hita mangoloi hisaphisap ni daging dohot portibi na olo salpu on; unang be olo hita dielaela sibolis pangago i. Lam unduk ma hita tu Debata, taoloi ma patik dohot hataNa ai i do hangoluan dohot haluanta. Tutu mansai borat jala dokdok do saluhutna i, alai ingot ma hita dipanjou ni Jesus Kristus: “ro ma hamu ta Ahu hamu angka na loja jala na sorat asa hupasonang hamuna!” (Mat. 11: 28).

3.       Marhite pandidion ni Jesus Kristus papatarhon hadamean dohot hadengganon. Antong Hita angka naung dididi di bagasan Goar ni Debata Ama, Anak-Na Tuhan Jesus Kristus dohot Tondi Parbadia mardame ma jala marsijalangan ma. Nunga ungkap be hadamean i, nunga ungkap pe hadenggan ni parsaoran i. antong mardame ma hita tu angka keluarga, sisolhot, hombar jabu; itapadenggan ma parsaoran i. molo masa na so marsipangkulingan, marsipangkulingan ma di bagasan dame, jala marsisalpuan ma di angka na humurang. Alai itaingot ma ndada sian hadirionta i masa alai na jumolo do Jahowa Debata mangungkap dameNa na sumurung i tu hita asa boi patupaonta hadameon i.

4.       Marhite pandidion ni Jesus Krsitus paboahon na tutu do Jesus Kristus, Anak ni Jahowa Debata, jala halomoan ni rohaNa. Antong Hita angka naung dididi di bagasan Goar ni Debata Ama, Anak-Na Tuhan Jesus Kristus dohot Tondi Parbadia nunga parsidohot be hita gabe Anak ni Debata di bagasan Goar ni Jesus Kristus umbahen na boi hita manjou ale Abba manang Ale Amang tu Jahowa Debata (ida Rom 8: 15; Gal. 4: 6). Antong songon Anak hita, itaoloi ma hata dohot parsuruon ni Debata tu hita marhite angka ulaon naung dipasahatna tu hita. Taulahon ma saluhut angka ulaonta na denggan ni di tongatonga huria, pamarentaon, dohot humaliang ima tanda haoloanta songon sada anak na mangoloi natorasna. Amen.

Angka Ende:

1.       75: 1, 4

2.       72: 1, 5

3.       213: 2, 4

4.       117: 1, 4

5.       476: 1....

6.       71: 3, 6

7.       753: 1.....

BAHAN KHOTBAH EVANGELIUM MINGGU, 30 OKTOBER 2022; YESAYA/ JESAYA 1: 16 - 20

 

BAHAN KHOTBAH EVANGELIUM 

MINGGU XX SETELAH TRINITAS

Minggu, 30 Oktober 2022

Ev.: Yesaya 1: 16 – 20; Ep.: Rom 6: 15 – 23; Pengganti Hukum Taurat: Yehezkiel 33: 11

 

BERHENTILAH BERBUAT DOSA DAN TEKUNLAH DALAM BERBUAT BAIK

Oleh: Pdt. Daniel Bonardo Pane

Pendahuluan

            Horas... Salam reformasi gereja. Pada hari Senin, 31 Oktober 2022 kita akan memperingati 505 tahun reformasi Gereja yang diprakarsai oleh Martin Luther. Melalui reformasi yang ia lakukan, Martin Luther memaparkan pemahaman mengenai pembenaran dan keselamatan melalui pengampunan dosa. Pada masa Paus Leo X menjadi pemimpin tertinggi gereja Roma katolik mengeluarkan suatu pemahaman: ketika seseorang memberikan persembahannya, dan persembahannya tersebut berdentang (malliting) di dalam kotak persembahan, maka jiwanya dan jiwa keluarga yang telah meninggal telah melewati api penyucian (purgatori) sehingga bagaimana besar atau kecilnya dosa yang telah ia lakukan selama hidup tidak akan menghalangi dia beroleh pembenaran atau penebusan dosa. Kemudian dikeluarkannya juga surat penghapusan dosa (indulgensia), dimana ketika setiap orang yang telah berdosa kemudian ia membeli indulgensia, maka dosanya pun dihapuskan. Semakin banyak seseorang membeli indulgensia maka semakin banyaklah dosanya telah dihapuskan. Pemahaman seperti ini melahirkan pengertian pembenaran atau keselamatan merupakan barang yang dapat diperjualbelikan. Pemahaman ini membuat masyarakat Jerman (khususnya di wilayah Wittenberg) tidak lagi takut untuk melakukan dosa atau melakukan berbagai perbuatan jahat sebab dosa yang telah mereka lakukan dapat dihapuskan dengan cara membeli indulgensia dan memberikan banyak persembahan.

           

Penjelasan Perikop (nas)

            Yesaya telah bernubuat pada masa kepemimpinan Uzia, Yotam, Ahaz dan Hizkia, raja Yehuda sedangkan di Israel Utara (Efraim) dipimpin oleh Yerobeam II, Zakharia (bukan nabi Zakaria), Salum, Menahem, Pekahya, Pekah dan Hosea (bukan nabi Hosea). Dengan memperhatikan raja yang memimpin Israel Selatan dan Israel Utara dapat diperkirakan bahwa Yesaya melakukan tugas keabiannya pada tahun 745 – 680 sM. Apa yang terjadi ketika itu? Terjadilah perang saudara antara Israel Selatan (Yehuda) dengan Israel Utara (Efraim) di mana perang saudara tersebut memiliki koalisi dengan bangsa lain untuk memperkuat kerajaannya. Israel Selatan (Yehuda) berkoalisi dengan Asyur dan Israel Utara (Efraim) berkualisi dengan Siria. Fokus kepada Yehuda, setelah kematian Uzia, yaitu masa pemerintahan Yotam dan Ahaz terjadi kemerosotan multi dimensi di kerajaan Yehuda. Secara ekonomi, diberlakukannya wajib upeti/ pajak yang sangat tinggi di mana pajak tersebut diperuntukkan untuk pembenahan atau memperkuat alat perang, diberikan kepada Asyur sebab Yehuda telah menjadi negara jajahan/ wilayah boneka Asyur. Setiap orang yang tidak mampu membayar pajak/ upeti, maka ia akan menjual tanahnya atau rumahnya agar mampu membayar pajak/ upeti. Dari segi agama, Yehuda juga wajib mengikuti ritus agama Asyur dengan penyembahan Asyera sebab mereka adalah negara jajahan/ negara boneka Asyur; dari segi hukum, terjadi ketidakadilan atau penindasan kepada orang miskin, para janda dan anak yatim piatu, korupsi semakin merajalela; dari segi sosial, sistem mengalami kemerosotan moral. Maka Yesaya menggambarkan kondisi Yehuda sama seperti konteks Sodom dan Gomora (bdk. Yes. 1: 2 – 10).

            Peribadahan dilakukan secara formalitas dan hanya sebagai seremonial saja. Mereka beribadah, memberi korban persembahan yang cukup banyak, mereka bernyanyi, berdoa dengan pemahaman bahwa semua yang mereka lakukan bertujuan untuk penghabusan dosa mereka dan lepasnya mereka dari hukuman yang diakibatkan oleh dosa. Semakin sering mereka melakukan ritus agama mereka maka dosa mereka pun dihapuskan. Mulut mereka yang dipakai untuk memuji dan memuliakan TUHAN melalui nyanyian, menyerukan doa dan permohonan, menyuarakan kemuliaan dan kemahakuasaan TUHAN justru mulut mereka itu juga dipakai untuk mengucap dusta, menghina, mengucapkan kebencian dan kejahatan, mengucapkan tuduhan yang tidak benar terhadap orang miskin, para janda dan anak yatim piatu; tangan yang mereka pakai untuk berdoa, mengadahkan tangan untuk menyampaikan permohonan, menyampaikan korban persembahan justru tangan mereka itulah yang juga dipakai untuk melakukan kejahatan, tangan mereka yang penuh dengan darah, merampas dan berbuat penindasan dan berbagai perbuatan jahat, menerima suap. Mereka tidak lagi enggan melakukan dosa. Mereka berseru memanggil nama TUHAN, Allah Israel, mereka menyanyikan kekudusan dan kemuliaan TUHAN, Allah Israel namun hati dan pikiran mereka jauh dari TUHAN Allah. Hal ini menjadikan ibadah yang mereka lakukan menjadi kekejian bagi TUHAN, TUHAN membenci semua perayaan hari raya yang mereka lakukan, TUHAN memalingkan wajah-Nya dan tidak akan mendengarkan doa bangsa itu. Sebab mereka adalah bangsa yang jahat.

            Setelah Yesaya memberitahukan bahwa semua ritus keagamaan dan peribadahan yang dilakukan oleh kaum Yehuda adalah kekejian dan kebencian bagi TUHAN Allah, pada ay. 16 – 17 Allah menyatakan anugerahnya melalui 2 poin yang harus segera dilakukan oleh bangsa Yehuda, yaitu: pertama: basuhlah, bersihkan dirimu (ay. 16). Pada umumnya kata membasuh atau membersihkan diartikan sebagai tindakan membuang noda atau kotoran yang melekat. Noda atau kotoran itu adalah dosa,  yaitu perbuatan jahat dan segala sesuatu yang jahat. Dirinya harus memisahkan diri dari perbuatan jahat dan perbuatan jahat tidak melekat di dalam dirinya. Kedua, belajar berbuat baik. Kata belajar yaitu suatu proses untuk mengetahui, mengenal, dan menguasai sesuatu yang ia pelajari. Untuk itu seorang murid haruslah mendengar dan memperhatikan dengan sungguh - sungguh pengajaran yang diterima dari gurunya sehingga murid dapat melaksanakan tugas yang disampaikan oleh gurunya. Jika murid tidak mendengar dan tidak memperhatikan dengan sungguh – sungguh pengajaran maka ia tidak akan mampu mengerjakan tugas yang diberikan padanya. Murid yaitu Yehuda sendiri yang telah menyesali dosanya dan yang telah memisahkan diri dari kejahatan, dimana Yehuda yang sudah terbiasa dengan kejahatannya kini mereka diperhadapkan dengan melakukan hal yang baik, seperti mengusahakan keadilan, mengendalikan orang kejam, membela hak – hak anak yatim, memperjuangkan perkara janda – janda. Semuanya itu tentunya sangatlah sulit tidak terlalu gampang untuk segera dilakukan karena membutuhkan proses yang matang. Oleh karena itu haruslah belajar dengan tekun, melatih diri untuk melakukan yang baik.

            Marilah, baiklah kita berperkara (ay. 18). Pada bagian ini kita diperhadapkan dengan suasana sidang, di mana TUHAN sebagai hakim yang agung dan mulia akan membacakan vonis atau keputusan yang akan diberlakukan kepada semua orang berdosa sebagai seorang yang terdakwa. Apakah ia akan dijatuhi hukuman (punishment) atau ia dibebaskan atau dibenarkan dari semua tuduhan atas kejahatan yang ia telah lakukan. Keputusan itu merujuk kepada perbuatan TUHAN yang tidak dapat diintervensi oleh manusia melalui perbuatan, kekayaan, atau keberadaan manusia itu sendiri. Selanjutnya ditegaskan “Firman TUHAN”. Kata ini menegaskan bahwa TUHANlah yang berfirman, dan IA sendiri akan bertindak seperti yang ia telah firmankan. Kemudian dilanjutkan dengan tindakan Allah yang membenarkan dosa manusia. Pembenaran yang dilakukan oleh TUHAN tidak berarti TUHAN kompromi atau memaklumi semua dosa atau perbuatan jahat yang dilakukan oleh manusia, justru melalui pembenaran inilah TUHAN menyatakan keadilan hukumnya dan preogatif-Nya sebagai Allah yang Mahakuasa dan mahaadil. Dengan preogatif-Nya jugalah IA melakukan pembenaran kepada manusia. Disebutkan: sekalipun dosamu seperti kirmizi dan kain kesumba. Buah kirmizi merupakan buah yang berwarna merah pekat, merah cas yang biasanya dipakai untuk pewarna pakaian dalam kerajaan Romawi, dipakai pada pakaian imam (Kel. 28: 4 – 5); dipergunakan pada kemah suci sebagai tempat diletakkannya tabut perjanjian (Kel. 26); dipakai sebagai tanda bagi bayi yang kembar, dimana anak yang sulung diberikan warna kirmizi agar jelas perbedaan dengan bayi yang lahir sesudahnya. Akan tetapi kirmizi yang disebutkan pada perikop ini adalah noda, yang mengotori pakaian putih. Ketika noda ini mengotori pakaian putih, sangatlah susah untuk membuat pakaian itu putih kembali sebab sangat sulit menghilangkan noda merah tersebut. Sama halnya dengan kain kesuma. Itu berarti kehidupan bangsa Yehuda diibaratkan pakaian putih yang sudah terkena noda/ warna merah yaitu dosa yang tidak mungkin untuk diampuni atau dibersihkan. Sama artinya bahwa bangsa Yehuda tidak mungkin dan sangat tidak layak untuk diampuni atau dibebaskan dari dosanya. Dengan anugerah-Nya, Allah sendirilah yang akan membenarkan dan memurnikan atau membersihkan noda itu sehingga mereka putih sama seperti salju (bahasa batak: itak). Putih merupakan gambaran tanpa noda, tanpa ada kotoran. Salju merupakan butiran – butiran bunga es yang sangat empuk dan dingin. Salju akan membentuk sesuatu rupa atau pola seperti benda di atasnya. Jika seorang berjalan di atas salju, maka akan terbentuk pola atau bentuk sepatu di atas salju tersebut. Sama halnya dengan itak yang terbuat dari tepung beras dan bahan lainnya. Itak yang dicetak dengan tangan, sehingga itak akan membentuk seperti cetakan tangan si pembuatnya. Hal ini tentunya diartikan bahwa TUHAN sendiri akan membentuk Yehuda sebagaimana Yehuda adalah umat kepunyaan Allah. Pembenaran dan penebusan TUHAN atas Yehuda sama seperti putih seperti bulu domba (terjemahan bahsa batak: kapas). Bulu domba bisa dijadikan sebagai pengganti kapas yang dipakai untuk perban untuk menutupi luka atau diolah menjadi benang wool. Benang wool biasanya yang akan diolah kemudian menjadi pakaian. Benang wool pada umumnya benang yang mahal dan berharga dibandingkan benang yang diolah dari kapas biasa. Kiasan ini merujuk kepada tindakan TUHAN yang akan memulihkan dan menyembuhkan luka yang dialami oleh Yehuda. Yehuda yang dianalogikan sebagai pakaian putih yang bernoda yang tidak berguna dan tidak bernilai kini akan menjadi berharga dan sangat berguna.

            Jika mereka menurut dan mau mendengar, itu berarti mereka akan memakan hasil baik dari negeri itu. Pengampunan dosa melahirkan ketenangan, ia tidak perlu takut dan gelisah, dengan tenang dan bahagia ia mengerjakan pekerjaannya (ay. 19). Dengan itu ia akan beroleh hasil pekerjaannya tersebut (lih. Im. 25: 18 – 19; Ul. 28: 2 – 4). Akan tetapi jika Yehuda melawan dan memberontak, maka mereka akan dimakan oleh pedang. Kata pedang pada ay. 20 tidak hanya merujuk pada perang melainkan keadilan dan tegaknya keadilan. Siapa yang terkena pedang akan mati, siapapun yang melakukan kejahatan, maka ia akan mati karena kejahatan. Kematian tersebut tidaklah suatu kebanggaan tetapi hinaan dan kekejian. Sungguh TUHAN yang mengucapkannya. Pemberitaan Yesaya pada perikop ini bukanlah bertujuan untuk menakut-nakuti Yehuda atau sebagai ucapan ancaman kosong, tetapi suatu kepastian mengenai tindakan TUHAN, Allah Israel untuk membenarkan, menyelamatkan Yehuda dari dosanya. Sungguh TUHAN sendiri yang akan melakukannya.

 

Refeleksi Teologi

            Melalui perikop khotbah ini ada 3 poin yang menjadi pokok utama teologi

1.       Manusia sudah semakin cekatan dan tidak takut untuk melakukan dosa. Dosa sudah menjadi bagian kehidupan manusia yang tidak terpisahkan. Seorang yang berdosa sama seperti seorang yang terjebak dalam lumpur hisap dimana semakin keras dan semakin berusaha manusia untuk melepaskan dirinya dari lumpur itu, maka ia pun semakin dihisap ke dalam. Walaupun manusia menarik rambut dan kepalanya agar terangkat dari lumpur hisap juga tidak akan mampu mengangkat dia dari lumpur hisap tersebut. Yang kita lakukan adalah berseru, berteriak sekeras mungkin mencari pertolongan. Kita membutuhkan tangan atau akar pohon untuk membantu ia keluar dari lumpur hisap tersebut. Kini tangan dan akar itu telah TUHAN nyatakan melalui panggilan pertobatan. TUHAN tidak hanya memanggil seorang untuk bertobat, sebab pertobatan tidak akan mampu melepaskan manusia dari dosanya sendiri. TUHAN kemudian memberikan Yesus Kristus, Anak-Nya yang tunggal, sebab hanya di dalam Yesus Kristuslah kita akan dibenarkan dan melalui pengorbanan-Nyalah kita telah ditebus dan dibenarkan. Oleh karena itu, segeralah raih Yesus Kristus yang adalah anugerah Allah yang menyelamatkan.

2.       Pertobatan bukanlah awal atau dasar keselamatan atau pembenaran. Dasar dan awal keselamatan dan pembenaran yaitu anugerah (gratia) TUHAN. Bukan karena banyaknya persembahan, bukan karena keahlian kita bernyanyi, bukan karena keahlian kita merangkai kata – kata doa dan bukan karena seringnya kita beribadah dan sekuat tenaga berseru sehingga kita diselamatkan dan dibebaskan dari dosa, tetapi hanya karena anugerah TUHAN. Dengan anugerah-Nya, TUHAN memanggil manusia untuk meningalkan dosanya atau yang disebut dengan pertobatan. Pertobatan (bahasa Ibrani: syuv; bahasa Yunani: metanoia) merupakan komitmen yang sungguh – sungguh. Ia berpaling 180^o menghadapkan dirinya kepada kebenaran dan kehendak TUHAN dan memalingkan semua perbuatan jahat.

3.       Jangan pernah katakan, bahwa dosamu telah banyak dan engkau tidak akan layak untuk dibenarkan atau diselamatkan. Bagaimana pun banyak atau sedikitnya dosamu bawalah semuanya itu kepada TUHAN. TUHAN sendiri yang akan menata hidupmu dan menyembuhkanmu dari dosa dan TUHAN sendiri yang akan mengampuni dosamu. Ingatlah apa yang terjadi kepada seorang perempuan yang kedapatan berbuat dosa, dimana Yesus berkata: “pergilah jangan berbuat dosa lagi mulai sekarang” (lih. Yoh. 8: 11). Seorang yang telah dibenarkan dan dibebaskan dari dosanya, maka ia akan melakukan peribadahannya tidak hanya sebagai formalitas, tetapi berlanjut kepada menyatakan keadilan dan kebenaran hukum, berbuat baik kepada semua orang, memperhatikan hak anak yatim piatu, membela hak orang miskin, membebaskan kaum lemah dari penindasan atau eksploitasi yang dilakukan oleh para penindas semuanya itu adalah uangkapan syukur dan puji karena Allah telah mengampuni dosa. Terpujilah TUHAN yang telah menebus dan mengampuni dosa kita, karena kita dibenarkan hanyalah karena anugerah, amin.